NGRITIK GIBRAN JEBUL USUNG PONAKAN

Pacitan Post    Agustus 25, 2020    Pilbup Pacitan    4 comments   

Pacitan Ppos 25.08.020.
Presiden ke 6 Republik Indonesia Susilo Bambang Yudhoyono, iki dina dadi sorotan publik minimal masyarakat Pacitan terkait Pilkada.

Biasane SBY tegas runtut lan konsekwen ngadepi kabeh persoalan, tapi khusus milih calon Bupati Pacitan terkesan ngutamakne dulure dewe Indrata Nur Bayu Aji.

Sikap SBY lan petinggi Demokrat sing ngono kui, saiki dadi picaturan masyarakat Pacitan, sebab kira-kira limang sasi kepungkur isu Indrata Nur Bayu Aji wis mencuat ning permukaan, misale wis enek ucapan, selamat atas direkomnya Aji sing dirilis saka timses Ketua DPRD kuwi.

Bahkan ana deklarasi 9 partai dukung Aji, sing alesan utamane merga Aji entuk wasiat saka Almarhum Ibu Ani Yudhoyono nek Aji kudu dadi Bupati Pacitan tahun iki.

Ora mung kuwi, adoh sak durunge ontran-ontran pendaftaran ning DPC Partai Demokrat, timses Indrata ngetokne isu nek jagone 99 persen bakal entuk rekom saka SBY.

Berangkat saka persoalan isu-isu duwur kui, masyarakat dadi curiga nek mudune rekom nyang Aji sing rencanane mudun dina iki ora lepas mergo dulur alias nepotisme.

Nek pancen info nepotisme iku bener, kudune Partai Demokrat isin merga apa, Rocky Gerung sing notabene cedak pengurus DPP Partai Demokrat ngritik keras atas muncule Gibran melu nyalon Walikota Solo.

Gibran dilok-lokne manfaatke bapake sing saiki dadi Presiden Indonesia, eh tibake mak clekenik AHY milih sepupune dewe Indrata Nur Bayu Aji.

Ananging atraksi politik, sing ditampilke DPP Partai Demokrat bab Pilkada Pacitan sing usung Indrata Nur Bayu Aji sebagai cabup, dibantah keras kader Demokrat Arif Setyo Budi.

Konco kentel Aji iku mbantah nek SBY ngutamakne ponakane dewe ning Pilkada Pacitan, jare Arif Mas Aji terpilih sesuai mekanisme lan tahapan demi tahapan Partai Demokrat, "yo pas ngepasi dulur wae," jare Arif konco kentel Aji.

Ashar Subandi, pengamat politik Pacitan menilai rekom medun atas dasar dulur bakal nderbalani mungguhe tatanan demokrasi, sebab tembe mburine bakal rawan penyelewengan kekuasaan.

"Tur yo ra apik disawang publik, opo-opo dulur, anak, mantu, ponakan, kabeh nyalon bupati/ walikota," jare politisi senior lan praktisi hukum iki.

Sementara, Indartato ketua Partai Demokrat Pacitan sing dina iki ning Jakarta bareng calon penerima rekom, Aji lan Gagarin dihubungi Ppos nganti seprene durung iso merga hp ne dipateni.(Gustik)