PDI Perjuangan lan Partai Kebangkitan Bangsa akhire tetep mbudalke pasangan Yudhi Sumbogo - Isah Ansori ana Pilkada Pacitan 2020.
Nurut kabar internal kubu Yudhi Sumbogo, awale Yudhi luwih sreg pasangan karo Gus Lukman saka Pondok Termas, ananging detik-detik akhir Gus Lukman ora diparengke karo Ketua PBNU KH. Agil Siraj.
Joko Gareng ngomong, mergo wektu wis kadung mepet akhire PKB milih pasangan awal, yo kui Isah Ansori saka tlatah Mentoro lan didapuk sebagai Cawabup.
Entuk kabar PDIP lan PKB mbudalne Yudhi Sumbogo - Isah Ansori, kubu Aji Gagarin (Jigar) langsung sumringah, "enteng.. enteng, woke.. woke" sorak pendukung Jigar sing dipantau Media ana pelataran KPUD.
Ananging, Kubu Yudhi Sumbogo - Isah Ansori (Mbois) tetep optimis menang ana gelaran Pilkada Pacitan tanggal 9 Desember sesuk.
"Ngopo wedi mas, PDIP lan PKB Partai penguasa, duwe program Pusat sing spektakuler sing ora diduweni kubu Jigar, yo saiki terserah wong Pacitan, arep milih Pacitan maju opo ora," jare Joko Gareng optimis.
Komisi Pemilihan Umum Daerah Kabupaten Pacitan, krungu koalisi PDIP- PKB wis entuk pasangan rumangsa plong, "setidaknya wacana bumbung kosong ora sido, Alhamdulillah" jare Wiwit Rowi.
Mantan Wartawan Jaya Baya iku berharap, mugo-mugo daftare nyang KPUD tetep tanggal 6, setidaknya tahapan Pilkada ben ndang cepet rampung.
Terkait pendaftaran pasangan Aji Gagarin esuk iki, Wiwit rumangsa bangga berjalan sukses, yo mung ana kendala sitik, berkas Partai Hanura urung siap, tapi saiki wis beres kabeh.
Arak-arakan Tim Jigar nyang KPUD ketok regeng. Dipimpin Ronny Wahyono sebagai leader Rombongan, Tim Jigar sing jumlahe atusan uwong cukup meriah, tertib lan sukses.
Mantan Cabup iki ngomong, nek tim Jigar Solid menangke pasangan Indra Nur Bayu Aji - Gagarin.
Rasa optimis uga disampekne Aji ana konfrensi Pres, target 80 persen kudu menang, tapi tetep ora entuk ngremehne lawan, ihktiar kudu tetep dilakoni (gustik)
