Pacitan Ppos.20.09.020.
Kaya sing uwis uwis,bakal calon bupati saben saben kegiatan sing akeh akeh mung grudak gruduk tanpa arah, mlaku mrono mlaku mrene nuruti angger angger wong muni.
Biasane Pasar, pelabuhan, wong kesripahan dadi obyek jujugan para
cabub kanggo tebar pesona,mubeng salaman, ethok ethok tekok rega lan liyo liyane.
Kaya to wingi wingi sing dilakoni Mbois, mubeng daerah Nawangan mung arep ndelok bocah Volly, saka pantauan media ora enek penjelasan program, ora enek ajak ajak sing sifate maton , kecuali mung tebar pesona.
Cabub Mbois Yudi Sumbogo ngomong,tujuane ndelok Volly ning Nawangan pancen mung arep ngombyongi bocah kegiatan,sak ora orane club volly ben ngerti nek aku Nyalon, jare Yudi polos.
Kegiatan ning Ngadirojo yo ngono, ora golek konstituan anyar sing isa dipengaruhi, malah dijak kegiatan sing pesertane jamaah sing wis maton,sing jelas jelas milih Mbois,
Jare Aziz Fans Mbogo, kegiatan kaya ngene iki asline mung nglebar duit, massa ora nambah mung nglebar wektu, Aziz usul ' kudune sing ditekakne mbois massa sing jik bingung , dudu massa sing wis mapan, jare aziz mbesengut.
Terkait hal kui, Yudi Sumbogo pancen ngakoni tim suksese urung gawe program kerja sing sip, dadi coro wong mlaku yo mung ngobrol sedelo sesuk menyang endi,trus diputuske dadi...
Gagarin sambutan ning ngarepe uyel uyelan massa jigar ning Bandar.
Sedang kegiatan Jigar rodok mending, sak ora orane massa sing ditekakne campur bawur, enek sing wong partai tapi enek sing wong anyar (massa mengambang).
Lancur susanto sebagai pemandu lapangan ngomong, Tim Jigar ngutamakne piai sepuh sepuh mas, merga bab pilkada iki wong sepuh sepuh akeh sing rapirso, sok tekok endi Calone.. mulo pak Aji lan pak Gagarin tak tekakne bareng pisan, ben gamblang..iki lho cabub jigar...jare Lancur ambi ngguya ngguyu.
Kondisi Cabub mloka mlaku ora jelas arahe, disadari Mantan Anggota DPR RI Nur Suhud, piye gus ' ale arep gawe Program wong wektune wis mepet ngene, urung ditambah pendanaan cabub sing rung jelas, sebab menurut tokoh asli Pucang sewu iki, partai pengusung lan pendukung nek danane ora jelas, mlakune tetep tersendat.
Nur suhud beralasan, biaya saksi minimal 500 jt kudu siap per paslon, biaya alat peraga,biasa sosialisasi,biaya mobilisasi ,biaya trasportasi lan sak piturute, kabeh entek'e nek digunggung 15M, lha saiki pada duwe ora jago jago iku, ojo mung asal maju, ujar Nur Suhud ngguya ngguyu...(tim)
