Gara-gara corona ora genah minggate, program-program pemerintah sing wis tumata iki dina dadi gojag-gajeg.
Apa meneh, pirang-pirang dino berita pagebluk njedul meneh, utamane ana kuta-kuta gede kaya Jakarta sak sekitare.
Malah wartane, Jakarta PSBB diterapne maneh merga wargane akeh sing diserang corona, kabare wong mati pating gletak nganti rumah sakit pada kebak.
Nurut berita dina iki, kuburan-kuburan ning Jakarta kewalahan ngubur wong mati, utamane pemakaman umum Pondok Rangon.
Sing ngenes meneh, rumah sakit ning Jakarta pada kentekan ventilator lan obat-obat penunjang liyane, klebu kekurangan kamar rawat inap lan kamar isolasi.
Ananging pemerintah Indonesia, sing diwakili Mentri Perekomian Erlangga Hartanto njamin Ventilator lan kamar-kamar isolasi bakal tercukupi, termasuk budget pendana ane.
Terkait karo pilkada serentak sing rencanane digelar tanggal 9 Desember 2020, miturut berita sing ditampa media Depdagri optimis tetep jalan ora ana penundaan.
Pihak KPU Pusat, terkait soyo ndodrone Covid-19 akhir-akhir iki, "urung ana perubahan jadwal pilkada, ijik ndelok situasi minggu-minggu ngarep nek pancen nderbalani mungguhing masyarakat secara umum, konon kabare arep konsultasi ambek pemerintah," jare EN Ginting.
Komisioner sing lagi dipulihke jabatane, saka putusan Mahkamah Agung merga dipecat tidak hormat Presiden Jokowi kuwi, saiki nurut berita sing beredar justru positif Covid-19.
Polemik pilkada bareng sing rencanane dilkasanakne sasi Desember, pancen serba salah, antarane diundur opo ora urung pati genah.
Jare Hamid Nur Yasin, "ijik perlu kajian sing tenan merga tahapan pilkada wis kadung mlaku, tapi yo kudu dipikirke kesehatan lan nyawa rakyat iku luwih penting, diatas segala galanya," jare anggota DPR RI asli saka Pacitan.
Opo neh iki dina WNI Indonesia ora entuk lungo nyang luar negri merga rakyate dinilai okeh sing kenek virus corona, wis pokok'e kabeh kudu ngati ati, diundur opo ora pilkada protokol kesehatan kudu dipatuhi, tambah tokoh kelahiran Banjarejo Kebonagung iki. (gustik)
