Maeng esuk (10/9) ning latar Pendopo Kabupaten Pacitan dienekne sosialisasi nganggo masker.
Acara sing digagas, KPUD, Polres, Kodim, Bawaslu, Kejaksaan lan Pengadilan Negri Pacitan, ditekani Bupati, Muspida, DPRD lan kabeh cabup/cawabup Pacitan sing sesuk arep tanding ana palagan Pilkada tanggal 9 Desember 2020.
Kapolres Pacitan AKBP Didik Harianto S.I.K sing kejibah mimpin upacara mau esuk ngomong, sak jrone pilkada digelar saka tahapan awal nganti akhir sesuai aturan kudu nganggo masker.
Sing nganggo masker ora mung petugas pemilu, tapi kabeh pemilih, pengawas lan petugas keamanan Pilkada Pacitan, jare Kapolres kabeh kudu nganggo masker sing disediakke KPUD Pacitan, sing ket omah ora nggowo masker.
"Sosialisasi wajib nganggo masker, bakal sukses nek kabeh warga sadar pentinge protokol kesehatan, mulai saka RT, RW, KADES lan tokoh-tokoh masyarakat liyane kudu nyengkuyung opo sing dadi programe pemerintah," jare Bupati di takoni wartawan bar upacara.
Bupati nambahi, ojo nganti gara-gara Pilkada muncul klaster anyar, tapi Bupati tetep yakin warga Pacitan tetep disiplin, mugo-mugo kabeh slamet, bagas waras corona minggat.
Listyorini Ketua KPUD Pacitan, arep ditakoni wartawan keburu lungo, dihubungi lewat telpon hp ne dipateni (ayu)
