 |
| Jajanan KPU sing dadi guyonan para tamu (foto:Gustik) |
Pacitan Ppos.04.09.020.
Saben-saben acara apa wae, mesti ora iso apik lan mulus kabeh, setidaknya mesti enek sing klendran raketang siji loro.
Kaya ta, acara perdana pendaftaran Cabup/Cawabup ning KPUD Pacitan maeng isuk, ora lepas ana sing dadi sorotan publik.
Terutama suguhan tamu ning njobo gedung sisih kulon. Tamu sak pirang-pirang saka berbagai unsur, termasuk wong tuane Cabup Indrata Nur Bayu Aji mung disuguhi sak kotak panganan bayi semacam jenis Beng Beng.
Mesti wae, pemandangan kue bayi kimaeng dadi guyon lan kritikan pedes para tamu sak emban-emban.
Bambang Arifin, ketua Partai Berkarya nganti gawe guyonan nylekit, "ojo rame-rame, dana KPU duite wis entek merga melu kepangan Corona nganti tuku snack kotak wae ora iso," gerrr dadi guyon wong sak embuh.
Bajuri Sekretaris DPC PKPI malah nylekit maneh, jare Bajuri KPUD untung wis menehi suguhan masiho kaya suguhan cah TK, "masiho Beng Beng ayo pada dipangan timbang semaput," gerrr.
Tapi ya ana sing memaklumi, ya mungkin KPUD Pacitan njumbul ngerti jumlah masa sing termasuk akeh, "mungkin danane cekak dadi ora cukup nggo tuku snack kotak, dadi rasah dimasalahke sing penting acarane sukses," jare Sediono anggota DPRD Gerindra ambek mesem.
Tapi terlepas kelemahan maeng, acara perdana pendaftaran Cabup/Cawabup Pilkada serentak 2020 berjalan apik lan sukses.
Ketertiban lan keamanan dibawah Kepolisian Resor Pacitan sing dipimpin langsung AKBP Didik Harianto.S.I.K. aman terkendali (Gustik)
