Pacitan Ppos.07.10.020.
Gegara karyawan BRI terpapar Covid lan ana sing seda , virus ganas sing asale saka negara china iku nular ning ndi ndi nggon.
Ora mung ning BRI, tapi iki dina wis njalar menyang karyawan Bank Jatim Pacitan ( WN) sing ketularan saka bojone sing kerja ana BRI Cabang Pacitan.
Ora tanggung tanggung , Virus sing nemplok karyawan Bank Jatim nemplok maneh menyang keluargane sing ana desa Sidomulyo Kecamatan Kebonagung.
Sing repot meneh keluargane ( WN ) duwe usaha BRI Link sing nasabahe / pelanggane saka endi endi , akhire ! Timbang Corona nular ning ndi ndi nggon, pihak desa lan satgas Covid 19 Pacitan ngenekke Tracing ning Balai desa Sedomulya Kebonagung.
Kabeh warga sing nate menyang BRI Link keluarga ( WN) ditambah warga lingkungan desa Sidomulyo sing cacahe ( 107) uwong iki dina di tes Rapit massal , sing hasile iso diumumke minimal dina sabtu , nanging pemeriksaan iki maeng enek siji sing langsung Reaktif Covid.
Sementara terkait tracing karyawan Bank Jatim , nganti berita iki ditulis Jubir Satgas Covid 19 Pacitan Rahmad Dwiyanto urung isa dihubungi merga HP ne dipateni.
Perlu dingerteni kabeh , rakyat Pacitan iki dina was was anane Pagebluk sing urung minggat minggat , malah Virus nderbalani sing jenenge CORONA iki sang soyo ...ambyar ..( Gustik)
