Pacitan post.28.12.021.
Anggota Komisi Pembangunan DPRD Pacitan iki dina kinerjane wis mulai ngawasi proyek proyek sing dikerjani Pemerintah Propinsi lan Pemerintah Pusat.
Biasane Komisi IV sing dikomandani Pujo Setyo Hadi ST muk ngawasi proyek proyek sing dikerjani Pemerintah Kabupaten Pacitan , Ananging gandeng Komisi IV oleh masukan saka masyarakat secara luas , mulai dina iki sak teruse Komisi IV bakal terjung langsung nyang lapangan
Talud Bodag 9,1 M.
Ternyata bareng medun tenan ,, jabang bayik,, kwalitas Proyek sing dikerjani PU Pusat lewat PT Restu Cipta Mandiri Kui maeng amburadul ora karu karuan, utamane bab finisihing.
Rombongan Komisi IV DPRD Pacitan kaya kaya ora mentolo ndelok Talut Bodag senilai 9 Milyar sing dikerjani PU Pusat , padahal dawane talud Desa Bodag muk 500 meter, ananging pelaksanaan pekerjaan Proyek sing di komandani Balai Pelaksanaan / Pemeliharaan Jalan Nasional kwalitase gegirisi alias dibawah standart.
Miturut anggota Komisi IV sing melu sidak Samsuri SH, proyek senilai 9 Milyar iki nek dikerjani nganggo APBD Kabupaten mungkin Dawane Talud ora muk 500 meter ananging iso iso nganti 2 Km , tur ale ngerjani rapih ora gek ecek ecek ngene iki , jare Samsuri ambek klepas klepus Rokok'an.
Hariawan ST lan Sediono uga heran ndelok Proyek Talud Bodag sing nilaine Fantastis ( 9 M) dawane muk 500 Meter , tapi kepiye maneh wong iki kewenangane PU Pusat , awak awak sebagai anggota DPRD sifate muk nompo pradule masyarakat , halah kono kono , piye negara ale ra bangkrut nek carane ngene iki , jare Diono ambi mesam mesem...
Sementara Kepala Balai Pemeliharaan Jalan Nasional Pacitan Leo , mbenerake yen Talud sing dawane 500 meter ana daerah Bodag anggarane 9,1 M , tapi talud sing dikerjani iki dudu talud pasangan batu lho pak , tapi iki talud Cor kwalitas tinggi .
Soal akhir tahun 2021 Proyek kudu wis bar , Leo optimis proyek selesai , nek batas waktu ora iso ditawar mas , iso ora iso kudu bar.
Krungu penjelasan Leo, Ketua Komisi IV Pujo Setyo Hadi Kaget , opo iso mas wong sing urung dikerjani wae jik akeh, sementara wektune muk kari 3 dina , yo wis monggo didelok wae , jare Pujo pesimis.
Suparlan ST lan Yudo Wakil saka PU Kabupaten sing melu kunjungan Dewan ana Talud Bodag ora kakean komentar , muk mesam mesem , merga proyek Talud Bodag ora dijerjani PU Kabupaten , dadi nyuwun sewu kulo No Coment, jare Parlan.
Jurang Nggareng Kidul ambrol.
Sementara saat kunjungan nyang Kali Lorok , terkait tergeruse jurang kali sing cedak karo pemukiman warga ( khususe) warga nggareng Kidul , Komisi IV DPRD Pacitan mengapresisi Pemkab Pacitan sing langsung tanggap terkait ambrole jurang kali Lorok.
Aku salut karo mas Bupati Aji , begitu enek laporan jurang ambrol arep nerjang pemukiman warga Bupati Aji Langsung ,, Sat Set Wat Wet ,, ngongkon PU Kabupaten koordinasi karo Balai Besar Wilayah Sungai Bengawan Solo.
Suparlan ST saka PU Kabupaten nerangake, yen hasile koordinasi karo BBWS Bengawan Solo Jurang Nggareng Kidul Kali Lorok sing ambrol bakal dibangun mulai awal tahun 2022 , tentu wae melalui Proses Tender bebas.
Suparlan sing iki dina ora katut ke geser saka jabatane sebagai Sekdin PU Binamarga Pacitan , k Bupati mrintah'ake marang PU Daerah gek kon sat set wat wet ora nganggo suwe ngatasi jurang ambrol kali Lorok.
Sementara PU Pacitan, kanggo nanggulangi jurang sing ambrol srana didrop pasir lan sesek , minimal jare Parlan ben ale ambrol ojo mbrentek teka endi endi , sing penting keselamatan Warga diatasi disik.
Kasun Nggareng Kidul Bowo anane Kunjungan Dewan ana wilayahe ngucapke matur nuwun marang bapak Bupati sing pun memperhatikan keluhan warga Nggareng Kidul bab jurang ambrol , Bowo uga njaluk kabeh Dewan sing budal saka Dapil Sudimoro Ngadirojo ngawal anane pelaksanaan proyek sing bakal diwiwiti awal tahun 2022....( Gustik)
