Bambang Mahendra Sekdin Perikanan Pacitan.
Pacitan Ppos.08.12.021.
Seumpama ora merga Peraturan Pemerintah , mungkin rencana penyerahan Tempat Pelelangan Ikan ( TPI) Tawang Sidomulyo Ngadirojo menyang Propinsi Jawa Timur ora bakal dadi kasunyatan.
Saiki gelem ora gelem , TPI Tawang sing mulo bukane dibangun nelayan setempat lan Pemkab Pacitan kudu ,, iklas ,, dikelola UPT Dinas kelautan Pemerintah Propinsi Jawa Timur .
Miturut Sekretaris Dinas Perikanan Pacitan Bambang Mahendra , Proses pengalihan wewenang TPI Tawang Sidomulyo Pacitan menyang Propinsi Jawa Timur iki dina lagi proses administrasi, ananging resmine urung bar.
Bambang uga njelaske , sing wis resmi diserahke nyang Propinsi lagi TPI Tamperan , TPI Watu Karung lan Wawaran Kebonagung urung iso diserahke merga secara administrasi urung siap.
Sing perlu dimangerteni jare Bambang , senajan secara administratif wewenang TPI Pelabuhan diserahke Propinsi Jawa Timur ananging Retribusi kabeh TPI isih dadi wewenange Pemerintah Kabupaten Pacitan.
Bambang uga omong , Pemerintah Kabupaten Pacitan disamping oleh jasa pungut Retribusi TPI uga kebagian pembinaan lan pemberdayaan Nelayan , sedang Pemerintah Propinsi jawa Timur kebagian ngatur pergerakan / Lalu lintas kapal , kondisi Pelabuhan, TPI lan liya liyane .
Ditakoni terkait Setoran PAD sing sumbere saka Retribusi TPI , Bambang omong wis memenuhi Target sing diprogramke Pemkab Pacitan , tahun 2021 targete' PAD PAK Rp. 397.069.890 nganti dina iki ( 6/12) wis entuk 497.790.375.
Soal peristiwa wong nyolong Benur , Bambang ngakoni sulit dibrantas , merga kewenangane Dinas Perikanan Pacitan terbatas , muk sekedar pembinaan Nelayan , ..eh nelayan...ojo sok nyolong benur.. dosa ..yo muk ngono ..jare Bambang ambek mesam mesem.
Klebu pemberdayaan Pembudidaya Benur, Bambang uga urung isa menehi pembinaan sing pas , merga pembudi daya Benur daerah liyane uga urung enek sing berhasil , unpama enek keberhasilane isih temporer , enek info ning Banyuwangi ana sing wis kasil ternyata bareng diparani isih urung isa ditiru...( Gustik)
