Dua wartawan senior terima tumpeng dari Bupati Pacitan Indrata NBA di moment hari Pers tahun.2022.
Pacitan Post 10.02.022.
Akhire Wartawan Pacitan entuk Hadiah Kantor ( Bale Wartawan) sing cukup strategis ana lingkungan Pendopo Pemkab Pacitan.
Kepastian Wartawan entuk kantor / Balai Wartawan diungkap langsung Bupati Pacitan Indrata Nur Bayu Aji ana momen Peringatan Hari Pers Nasional tahun 2022 ana Pendopo Kecamatan Punung Pacitan maeng esuk ( 10/02).
Bupati ngomong , jajal konco konco wartawan nek tak wenehi Kantor ( Bale' Wartawan) konsekwen opo ora ? Nulise panggah jomplang opo ora ? Jare Bupati ambek guyon.
Hari Pers Nasional tahun 2022 ana Pacitan klebu diacarakne Istimewa , sebab kajaba entuk hadiah Bale' Wartawan saka Bupati , Hari Pers Nasional uga dirayakne marang Komandan Kodim 0801 Pacitan Lelkol Kav Ibnu Khazim.
Sekitar 43 Wartawan Pacitan rumongso mbegogok atine merga Komandan Kodim 0801 Pacitan sing terkenal Ganteng lan Familier iku klebu siji sijine Pejabat diluar Bupati Aji sing gelem nyubyo nyubyo Wartawan kanti melu tandang ngenekne acara Tasakuran Hari Pers Nasional sing dibiayai Internal Kodim 0801 Pacitan.
Bupati Aji , Dandim Pacitan lan Ronny Wahyono sing telu telune klebu Pejabat penggemar setia ,, Bebek Gustik ,, anane' gelem melu nyubyo nyubyo wartawan ,, mungkin ,, ngerti tenan perihe' ati wartawan Pacitan sing kerja tanpa pamrih.
Awan bengi nibo tangi , esuk sore nunjang palang , munggah gunung medun gunung ,,muk arep nguber berita ,, tur gratis ora ana sing bayar , jare agus Hermawan glogak glegek.
Perwakilan TV RI Jawa Timur Heru ana kesempatan Hari Pers tahun 2022 marang Bupati Aji lan Dandim Pacitan ngaturake sembah nuwun sanget sampun purun Nyawiji dadi siji Tumandang Bareng Wartawan mbangun Pacitan sing luwih maju.
Peran Dandim lan Bupati Aji Patut dicontoh karo Pejabat Pacitan liyane utamane Kepala Dinas Pacitan sing terkenal ,, Playon,, nek ditekani Wartawan.
Kosok baline nek njaluk berita pingin imbang , ananging nek dijaluki akurasi data malah kabur , jare Budi ambek klecam klecem.
Terkait seringe kepala Dinas Pacitan sing kabur nek arep diwawancarai klebu protese Wartawan ana kesempatan ,, sesi,, tanya jawab karo Bupati Pacitan Indrata Nur Bayu Aji , yo wis to engko tak binane , ' mungkin Konco OPD wedi bijine elek ning ngarepku , mulo datane sing ketok elek diumpetne....lah lho.. Kapok ! ( Gustik)
