Salah satu makam ki Buana Keling bagian kaki di dusun sampang Purwoasri Kebonagung.
Tulisan sepenggal Cerita Babat Pacitan ini kami maksudkan untuk memberi edukasi bagi Rakyat Pacitan tentang cerita cikal bakal kota Pacitan yang kini diperingati untuk yang ke 277.
Pacitan Post ,19.02.022.
Sekitar 320 tahun kepungkur Kerajaan Majapahit runtuh , keruntuhan Majapahit gawa dampak bubare' Keluarga kerajaan abdi dalem lan masyarakat liyane.
Rata rata keluarga Kerajaan lan penduduk Majapahit mlayu ngetan arah Pulau Bali lan mlayu ngidul arah Daerah Tengger Gunung Bromo Lumajang.
Alasan mlayune keluarga , kerabat lan penduduk Majapahit maneka warna, enek sing mlayu merga wedi dipateni pasukan Islam saka Demak lan ana sing mlayu merga kekeh mempertahankan agama Hindu sing dadi kepercayaane ma tahun tahun Kerajaan Majapahit.
Mlayune keluarga lan kerabat Kerajaan Majapahit miturut crita , ora kabeh mlayu nyang Pulau Bali lan daerah Tengger Gunung Bromo, tapi akeh uga sing mlayu tanpa arah , salah sijine' Ki Buana Keling sing terdampar ana daerah Kebonagung Pacitan.
Miturut Crito Babat Pacitan , Ki Buana Keling lan keluarga mlayu teka Pacitan ana 2 Versi.
Versi Pertama : Ki Buana Keling awale arep mlayu menyang Bali bareng karo penduduk liyane , tapi sayang gethek ( prahu) sing ditumpak'i Ki Buana Keling lan rombongan kentir ( terbawa arus) nganti teka Kebonagung Pacitan , srana bukti sekitar lembah Pesisir kidul ditemukan kuburan kuno , sayang seiring perjalanan waktu kuburan kuburan iku ilang merga ora ana sing ngrawat.
Versi kedua : Ki Buana Keling lan Rombongan sengaja mlayu saka Kraton Ponorogo ( Ki Bathara Kathong ) menyang Pacitan merga Kraton Ponorogo uga diserang pasukan kerajaan Demak Jawa Tengah.
Perlu dimangerteni , Ki Buana Keling teka Pacitan ora mung sak keluarga , tapi miturut crita versi ( pertama) Jumlahe sak rombongan kang cacahe seisen Prahu ( sekitar 15 - 20 orang).
Ki Buana Keling lan rombongan awal awale' urip ana Pacitan manggon berpindah pindah , terakhir teridentifikasi manggon ana sekitar Banjarejo / sekitar Purwoasri Kebonagung nganti teka daerah lereng Gunung Lima.
Prakiraan Ki Buana Keling lan rombongan sing awale muk 20 uwong beranak pinak matahun tahun nganti sekitar 300 jiwa .
Agama lan peradaban Ki Buana Keling lan rombongan sing jumlahe wis atusan iki maeng tetep menganut agama sing dianut Raja Raja Mojopahit Hindu lan tradisi tradisi liyane sing ora lepas saka adat Kerajaan Majapahit.
Bab Kematian Ki Buana Keling.
Kematian Ki Buana Keling ora lepas saka kontra , merga kabeh sejarah kerajaan ngendi wae mesti ora enek sing bener bener Pas lan mesti enek gesehe'.
Versi Pertama.
Ki Buana Keling ( tewas ) merga Perang melawan utusan Saka Kerajaan Demak sing nalika iku di komandani Ki Ageng Petung lan Ki Maghribi saka Tlatah Duduhan Mentoro.
Sebab sebab Perang.
Miturut Sejarah Babat Pacitan Ki Buana Keling lan Penduduk sekitar Kebonagung dijaluk lan dipeksa mlebu agama islam marang utusan Kerajaan Demak sing wektu kuwi dikomandani Ki Maghribi Saka Tlatah Duduhan Mentoro dibantu Ki Ageng Petung saka tlatah Tanjungsari.
Kocapo!
Ki Buana Keling lan penduduk sekitare penawaran mlebu agama Islam sing ditawarke ki Maghribi ditolak mentah mentah ( jare / katanya ) wektu kui Ki Buana Keling sempat mbledak mbledak menyang utusan Ki Maghribi.
Aku sumingkir saka Majapahit merga aku mbelani agamaku , nek Perlu awakmu hai Petung ' mlebu.o .menyang agamaku ..
Ning ! nek awakmu meksa aku lan dulur dulurku sak krandah melu agamamu ,aku wani mati ana palagan peperangan......sumbar Ki Buana Keling sinambi ndudut Keris peninggalan Kraton Majapahit...
Wektu Ki Buana Keling ndudut Keris , utusan Ki Maghribi ora umbal babar blas , kecuali mundur lan bali menyang tlatah Mentoro ngadep ( laporan) marang gurune yo kui Ki Maghribi. ( Bersambung nyang edisi sesuk man'eh ki sanak ..Gustik).
