Foto dok : anak sekolah Dasar.
Pacitan Ppos .03.10.022.
Slogan sekolah gratis wis kumandang ana ngendi endi kawit 10 tahun kepungkur, SPP dibusak , utamane SPP Sekolah Dasar lan Lanjutan Pertama / SMP.
Ananging masiha SPP dibusak, ternyata wali murid ijik keberatan , sebab tarikan komite sekolah justru luweh edan adanan.
Komite Sekolah sing nota bene kepanjangan Wali Murid sing kudune melu ngringanke biaya sekolah, tapi kadang justru pasang performa ,, nyemugih,,
Akibate wali murid sing uripe pas pasan, rumangsa kabotan bayar cicilan sing jumlahe sak hohah.
Lewat komite , acap kali wali murid dibebani bayar pengembangan fasilitas sekolah , bayari guru guru Honorer , bayari lomba lomba siswa lan mbayar mbayari program nyleneh liyane.
Mulo ora gumun pirang minggu kepungkur SMAN I Pacitan diberitakne elek menyang media , merga tarikan sekolah alumni SBY iku wis ngluwihi batas kemampuan Wali Murid .
Padahal kejaba tarikan Komite , wali murid uga isih dibebani kebijakan pengurus OSIS terkait Tamasya Siswa sing biasane tamasya luar kota , Bali , Bandung, Jakarta lan kutho gede liyane.
Miturut Cahyo wali Murid salah sijining sekolah , tarikan sekolah ana Pacitan tergolong gede , bahkan koyo koyo ngluwihi cah Kuliah , bayangno Wedusku 3 wis kadol kabeh , gara gara nglunasi biaya sekolah anak , jare cahyo mbrebes mili.
Mantan Pekerja PT Waskita Karya Devisi 2 ana Paoua iku ngedumel , jare sekolah gratis,, kok saben saben tarikan .
Jare Cahyo ! lha po negara sing jembare sakmene kui wis mlarat tenan , ora iso bayari guru sukwan , ora iso ndandani gendeng bocor, kok saben saben njaluk urunan wali murid..,yo ..ngalah.
Sementara Noval saka Pacitan Couruption Watch ( PCW) njaluk marang Bupati Pacitan Indrata Nur Bayu Aji sidak menyang sekolah sekolah, utamane terkait jumlah tarikan komite sekolah sing mungut Wali Murid omblang omblangan , koyo to SMAN I Pacitan lan sekolah liya liyane.
Kabar manuk , enek sekolah Lanjutan Tingkat Pertama / SMP Favorit Pacitan Sing uga mungut biaya Wali Murid sing klebu omblang omblangan.
Sakjane wali murid pada njengat , tapi ora wani protes.
Sementara Kepala Diknas Pacitan lan PLT Bupati Pacitan Gagarin Sumrambah nganti berita iki ditulis isih urung iso dihubungi , loro lorone Hp ne tulalit...( Gustik)
