Pacitan Post, 05.10.022.
Gara gara udan deres sewengi deg, kreteg Gandu Wonodadi Kulon pedot, sing nyebabne desa sembowo, Klepu lan Wonodadi Kulon terisolir.
Ngerti kreteg pedot , Pemerintah Kabupaten Pacitan age age gawe dalan darurat sing kenek dilewati odog / sepeda motor.
Sayang ! dalan darurat sing digawe Pemkab Pacitan ora menyelesaikan masalah , perekonomian warga terganggu merga jembatan darurat muk iso dilewati odog.
Padahal rata rata penduduk daerah Nodadi Lan Sembowo petani cengkeh sing distribusine nganggo ban papat alias Prah Otto.
Kejaba saka iku , dalan darurat sing ambane ora enek sak meter nek udan sepeda motor igal igul , buktine' bojone kades Sembowo tibo kedusur merga uduk'e keclurut clurut.
Hariawan ST anggota DPRD Pacitan, lewat media iki , njaluk Pemkab Pacitan gek gawe jembatan darurat sing iso dilewati Prah Otto , warga sing uripe saka hasil bumi ben ora rugi terus menerus.
Umpama kesuwen , warga selak mothah , tur guru guru selak ora iso mulang,merga rata rata omahe saka daerah liyo , jare anggota Komisi 4 DPRD Pacitan.
Sementara Kepala Dinas PU Pacitan Suparlan ST MM lewat Sekdin Yudho Tri Kuncoro omong !yen sementara iki lagi iso gawe kreteg darurat sing dilewati Odog/ sepeda motor.
Soal tuntutan warga sing njaluk jembatan darurat sing iso dilewati Prah Oto , Yudho urung iso janjekne , merga keputusan iku ning tangan Bupati , sementara Bupati isih ning tanah Suci , sabar nunggu beliau kundur saking Mekah , jare Yudho .
Perlu dimangeteni , Kota Pacitan saben dino persasat udan deres terus menerus , nganti Petani pada bingung arep nandur opo .
Jare Mahmud petani Lombok Saka Desa Mentoro , udan ora mandeg mandeg ana musim ketiga pancen mbingungke wong tani , arep nandur pari wedi udane mandeg , arep nandur polowijo wedi udane terus terusan , yo enek' e muk pasrah , jare Mahmud karo gligak gligik ( Gustik)
