Pacitan Post 15.02.023.
Tokoh Cakil , nek muni ora jelas , kejaba gagap uga bekukak-bekukuk - grogi koyo wong bar ketangkep.
Podo karo PLN Pacitan , bola bali listrik mati sing digawe alesan mesti faktor cuaca , kadang godong godongan utawa wit witan sing nyenggol kabel listrik.
Janji diprotes warga, merga bola bali mati listrik, alesane gangguan alam , mati urip mati urip.
Persis koyo lakon Buto Cakil , mati urip - mati urip , jare Temon warga Punung.
Padahal alesan PLN setahun kepungkur, dudu soal wit witan, tapi suplay saka PLTU Piton sing dibatesi , terlepas wektu kui Pejabat PLTU Sudimoro pas nglindur po piye , tapi sing jelas muni ngono, saat acara kunjungan DPRD Pacitan ( komisi 4) sing diliput Media.
Sing Repot..!
Kepala PLN ULP Pacitan Nuzulul Ramadhan , panggah nganggo alesan , gangguan alam, arupo godong godongan lan wit witan sing nyenggol kabel listrik , pungkas Nuzulul Ramadhan ana siaran pers, menyang salah sijining media.
Anggota komisi 4 Rudi Hartoyo , sing bola bali disambati masyarakat terkait listrik mati , ora iso berkutik .
Rudi cuma omong , PLN iku Perusahaan pinter pintere dewe , nek warga telat bayar age age diputus , tapi yen mati lampu PLN ora ngitung rugine wong usaha.
Entuk pesenan Roti listrik mati , pas Hajatan listrik mati , pas rapat / seminar listrik mati , ngono kui opo PLN mikir rugina masyarakat.
Pejabat PLN kudune isin, merga PLN sing biayai Masyarakat , jare Rudi gedeg.
Perlu dimangerteni , wilayah wilayah koyo Kecamatan Bandar , Nawangan , Punung lan liyo liyane sering mati lampu , meh telung dino pisan persasat listrik mati.
Sri Sutarmi Bidan Desa asal Kecamatan Bandar , mbenerake yen kecamatan Bandar sering mati lampu , aku wis bola bali protes karo pak Camat, tapi nganti seprene yo nyatane listrik ijik byar pet..( gustik)
