Pacitan Ppos.05.05.023.
Kasus kriminal mulasara bayi /balita wis bola bali kedadean ana Pacitan , nek ora dibuang yo dipateni utawa ditelantarne.
Wingi kamis (04/05) yo enek kedadean maneh bayi mati merga dibuang nyang wong tuwane.
Bayi sing diperkirakne lagi umur kurang saka sesasi, ditemokne warga (Tukiyat) warga desa Petung Sinarang .
Bayi sing berjenis kelamin wedok iku ditemone tukiyat ana lingkungan dusun Pager Gunung Desa Kebondalem, persise ana perbatasan Desa Petungsinarang lan kecamatan Tegalombo Pacitan
Miturut Tukiyat , sekitar jam 15.00 wib dewekne arep ngramban menyang alas, ananging tukiyat kaget enek bungkusan kresek njembul lan mambu gondo mayit.
Tukiyat kaget bareng dicedak'i ternyata mayit bayi sing ijik ketok pusere, buru buru Tukiyat lapor menyang desa lan ditangani Polsek Tegalombo.
Bayi sing urung genah sopo wong tuwane iku, ditangani polsek Tegalombo lan Puskesmas Tegalombo dilanjut RSD Darsono Pacitan kanggo keperluan otopsi.
Merga urung jelas sapa wong tuwane, Kanggo pemakaman Dinas Sosial turun tangan lan dimakamke ana pemakaman umum Kucur Desa Sidoharjo Pacitan.
Perlu dimengerti , kasus mulasara Balita ana kabupaten Pacitan wis bola bali , nek ora di guang , ditelanterne utawa dipateni.
Intine gelem gawe ning ora gelem ngrukuni...nah lho..( gustik)
