Pacitan Ppos.29.08.023.
Pembangunan ana Kabupaten Pacitan saya suwe saya gabyah bin ora terarah, blas ora duwe unsur seni lan cenderung nglalekne sejarah.
Saking gabyah'e , seolah ana kabupaten Pacitan ora duwe Arsitek sing mumpuni lan ora duwe perancang kota sing kwalitas,kabeh isane muk pokok'e asal bangun.
Perlu dimangerteni ,kira kira limang tahun kepungkur , wektu kui isih jaman Bupatine' Indartato , warga wis okeh sing ngudarasa, bab pembangunan berbagai fasilitas ana sekitar alun alun kulon Kabupaten Pacitan , sing saya suwe saya ngidul ..saya ngidul.
Lepas saka Bupati Indartato , iki diterusne maneh Bupati Aji , bangun fasilitas bermain anak anak meh teka tengah alun alun kulon .
Papan nama Proyek ora enek , kontraktor sing bangun masyarakat ora weruh ,opo meneh bab anggaran , masyarakat uga ora weruh.
Numpang Iklan
Ananging Kadis PUPR Pacitan Suparlan ST, menehi weruh yen Proyek ana Alun Alun Kulon iku bangunan Skate Boot sing satu paket karo perbaikan Trotoar .
Suparlan sing dihubungi ( Ppos ) pas lagi arep numpak montor mabur ( dinas luar) omong ,yen soal teknis lan biaya sing ngerti detail Kabid Kaba Endit Yuniarto , Endit nganti seprene ora kenek ditelpon , telpune tulalit...tulalit..terus.
Numpang Iklan..!
Sementara Keprihatinan terkait kondisi alun alun kulon sing soyo suwe soyo entek, merga kepangan bangunan anyar disuarakne Dhimyati Penasehat PCW ( Pacitan Corruption Watch ).
Alun alun Pacitan klebu alun alun legendaris sing penuh sejarah lan perjuangan , kudune dijaga lan diuri uri , alun alun etan wis amblas dipangan bangunan , Alun alun kulon kari sak pecak, apa klakon dientekne pisan .? Jare Dhimyati sedih.
Bahkan LSM Bhineka Bangsa Pacitan , njaluk marang Pemkab Pacitan, Bangunan Skate Boot sing saiki lagi dibangun, merupakan bangunan terakhir sing mangan lapangan alun alun kulon Pacitan.
Yen nganti suk meneh , enek bangunan sing mangan sisa lapangan alun alun kulon , LSM Bhineka Bangsa bakal nggordinir Demonstrasi geden gedenan menyang Pemkab Pacitan, ora Bupati mbiyen , ora Bupati saiki kok pada wae, kaya ra duwe insinyur sing ngerti sejarah wae.
Aktivis sekaligus mantan anggota DPRD Pacitan saka PDIP , omong ora habis pikir marang Pemkab Pacitan , Alun Alun iku kan (alise wajah kota) sing kudu di rawat , ora malah diubrah ubrah kaya mengkana , tulunglah nek bangun ojo saka karepe dewe, tutur Jhon Vera Tampubolon sewot.
Njaluk di Bongkar.
Bahkan Tokoh Vokal DPRD Pacitan Handaya Aji , njaluk marang Bupati Pacitan, bangunan anyar sing kabeh mangan lapangan alun alun kulon dibongkar total , Pacitan wis kelangan alun alun etan , iki alun alun kulon wis di dionggreh onggreh maneh , po ra luwih becik anggaran nggo bangun dhalan sing akeh rusak..?
Handoyo uga ancam , yen Pemkab Pacitan bangun proyek muk sak karepe dewe ,setuju Demo geden karo konco konco LSM sak Pacitan , wis monggo nek cen kendel ngadepi rakyat, tegas Handaya..( gusti)
