Pacitan Post.19/01/024.
Jaman Orde Baru, sing jenenge kampanye akbar ngidap idapi , minimal Artis Nasional , ditekakne menyang Pacitan.
Biasane sing isa nekakne Artis Nasional , muk Golkar (Golongan Karya) sing terkenal nomor urut 2 lan sragam identik werna kuning.
Jaman Reformasi kampanye akbar isih enek , bahkan meh kabeh partai peserta pemilu isa ngenekne kampanye Akbar.
Ananging jaman saiki (Pemilu 2024), kampanye akbar koyo koyo wis ora enek/ora usim, umpomo toh enek kwalitas lan tampilan kampanye akbar wis beda adoh koyo ndisik.
Didelok saka sragam peserta arak arak'an /konvoi , peserta arak arak'an klambine pating cloneh , ora enek kaos dum duman saka Partai sing ngenekne kampanye akbar.
Mula aja kaget ,yen Kampanye Partai Demokrat ana Pacitan wingi , peserta kampanye klambine uga pating cloneh, alias ora entuk sragam.
Miturut Rudi Hartoyo politikus Partai Hanura iki omong, Kampanye akbar dinilai ora effektif , muk sekedar buang buang duit,sasaran suara ora signitifkan, merga sing melu kampanye akbar rara rata campuran , sing penting melu konvoi lan isa ndelok ndandut karo igul igul joget.
Nganti berita iki ditulis , Partai gede liyane, koyo to Partai Golkar , PDIP lan PKB, Media urung krungu, yen bakal ngenekne kampanye akbar.
Soal gendera lan atribut Partai, nganti berita iki ditulis , muk Partai Demokrat ,Golkar lan PDIP sing isik gelem pasang gendera masiha urung akeh.
Sing repot muk siji, kabeh pengusaha sablon, konfeksi, pengusaha kain, kabeh bubruk ora enek pesenan , beda adoh karo ndsik .
Tiwas lehku kulak bahan bener , tak getne jebul wong pesen muk siji loro, jare Prayit guya guyu kecut...( Tim)
