Kedadean lucu...!
Sak durunge pengurus FPPA, ketemuan resmi karo managemet RSD dr Darsono Pacitan, wis koyo biasane, wartawan ngobrol disik ngalor-ngidul.
Ananging ana tengah obrolan, salah sijining wartawan sing jeneng inisiale (AP) omong yen mambengi ngipi Cawabub Wiwit Bagong gelut seru karo Wabub Gagarin.
Urung bar ale crito wartawan (P) Wartawan (Y) nyaut omongan, yen mambengi yo ngipi Gagarin gelut karo Wiwit Bagong soal sepele, yo kui soal tumpeng larung sesaji malam tanggal siji sura.
Wartawan ( Y ) bahkan ngipine luwih detail, Gagarin sing nganggo klambi Warok ireng ireng, arep njupuk tumpeng sesaji sing arep dicemplungke laut, tapi ujug ujug Wiwit Bagong ngrebut tumpeng sing wis digawa Gagarin.
Tanpa basa basi, Gagarin sing duwe awak gede duwur koyo werkudara ngamuk sak kal, Wiwit Bagong dicengkiwing dilanjut gelut ana suketan, bar kui wartawan (A) kaget jawane arep melu misah, jebul muk ngipi.
Wartawan Danur sing dicritani ngipine Wartawan (AP) dadi guyu kepingkel-pingkel, sekaligus kaget kok ngipine wartawan loro pada, senajan critane beda.
Danur sing ana kepengurusan FPPA kedapuk Penasehat, langsung ngramal yen iki dina DPP Demokrat lagi bingung, milih Wabub Gagarin opo Wiwit BG.
Pancen ngipine wartawan loro sing kebetulan pada, kaya-kaya nyedak'i bener yen didelok saka situasi Politik Internal Partai Demokrat, kanggo Posisi Wabub DPP PD, nimbang penilaian antara Gagarin lan Wiwit Bagong, tenan orane waktu sing membuktikan.
Sementara iku, terkait acara Pengurus FPPA sing lagi ngenekne silaturahim karo Management RSUD dr Darsono Pacitan ana Warung Bebek Sinjay Mentoro, nglairke bentuk kerjasama sing erat, yo kui bab informasi lan komunikasi.
Managemen RSD dr Darsono Pacitan, sing dipimpin langsung, Direktur Rumah Sakit dr Iman Darmawan didampingi Kepala TU dr Johan Tri Putranto lan pengurus teras RSUD liyane.
Pihak RSUD dr Darsono Pacitan, njaluk tulung marang kabeh konco wartawan, ojo segan segan menehi kritik lan saran menyang RSD sing nganti dina iki isih mlebu Rumah Sakit type C (gemuk).
dr Iman menehi alesan, yen munggah pangkat type C Rumah Sakit kita pancen abot, tapi ijik berusaha naik kelas, utamane nambah dokter spesialis urologi lan dokter spesialis spesialis liyane.
Ananging Asih nambah ake, kanggo solusi transfer obat ben cepet, pihak RSD Darsono bekerjasama karo jasa kurir sing ongkose adoh cedak kurang luwih 16.000 rupiah, tegas Asih.
Sementara, Ka TU RSUD dr Darsono sing terkenal cedak karo Wartawan dr Djohan Tri Putranto, nambah ake yen RSUD dr Darsono mulai tahun 2027, bakal ketambahan dokter Spesialis Urologi lan spesialis penting liyane, calon dokter sing rata rata putra daerah iku saiki jik pada kuliah, imbuh dokter sing kabar manuk calon Kepala Dinas utawa Direktur Rumah Sakit.
Kabeh penjelasan teknis lan medis saka management RSUD dr Darsono Pacitan, gawe kepuasan tersendiri kabeh Pengurus FPPA Pacitan, malah ana akhir acara management RSUD dr Darsono, entuk pujian saka "Wartawan" senior Purwo saka (RSP/Detik.Com). (Tim )
