Pacitan Ppos. 07.09.024.
Enek pepatah yen pingin dadi Dewan ana Pacitan dadio disik Kepala Desa , ananging tetep kudu duwe duwit, minimal 600 juta.
Ila ila ning duwur kui maeng , dibuktekne ana pemilu legeslatif tahun 2024 , 9 mantan kades Pacitan ternyata sebagai mayoriti ( komunitas) Kades sing terpilih sebagai anggota Dewan ana Pemilu 2024.
Mulai saka Tumardi. Bambang Suseno. Winardi. Sunarko. Wiwiet BG. Wahyu Pujiono.Arifin . Boimin lan terakhir Lilik saka Dapil Arjosari- Tegalombo.
Yen dinalar pencen bener, kades umpomo maju dewan wis duwe modal suara, minimal suara ana desane dewe dewe.
Perlu dimangerteni , jabatan Kades utawa lurah pancen jabatan sing bersentuhan langsung karo masyarakat , mulo yen kades maju dewan trus terpilih ora sah kaget.
Beda karo Kepala Dinas , sak apik apik'e kepala Dinas yen nyalonke Dewan, sesuai catatan media nganti seprene , urung enek mantan Kadinas terpilih dadi anggota Dewan ana Pacitan.
Pertanyane merga opo ? Kemungkinan merga srawunge' kurang deprok, terlalu mriyayeni lan diduga terlalu pretungan yen ngetokne duit, utawa mungkin isa uga lali , yen jaman wis berubah.
Jaman Orde Baru , Kepala Dinas , Kepala Sekolah , Penilik sekolah ditugaske Sebagai Anggota Dewan, sing mekanismene' tetep lewat pemilu tertutup , urutan nomer urut diatur Bupati si Penguasa Daerah.
Bali menyang kondisi ana njero DPRD Pacitan pasca pelantikan , dipastikan unsur Pimpinan meh ganti total kecuali Fibi Irawan, Ketua PKB pacitan sesuai rekom saka DPP PKB, Tetep nunjuk Fibi Irawan sebagai Wakil Ketua.
Praktis mulai saka Ketua Personile ganti kabeh, Arif Setyo Budi sebagai Calon Ketua DPRD , Lancur Susanto sebagai Wakil Ketua , Heru Setyanto sebagai Wakil Ketua ditambah Fibi wong lawas.
Menurut Bambang , seumpama toh para Ketua lan Wakil Ketua diplot /diisi wong anyar kabeh , hal kui lumrah , merga masing masing Partai Politik duwe pakem dewe dewe.
Tapi Bambang uga omong , kemungkin masing masing partai perlu penyegaran , iki pun asline isih tahap usulan , koyo to ana internal Golkar, aku krungu sing diusulke ora mung pak lancur tok, ijik enek pak Narko.pak Prabowo , Jare bambang ambi guya guyu..
(Gustik)
