Pacitan Post. 10.10.024.
Ning alam donyo , golek pemimpin sing duwe Panguasan ( Hakim ) pancen angel , Hakim Pengadilan , Kades , Bupati , Gubernur bahkan Presidenpun sifat ora adil mesti enek.
Koyo bal balan Bahrain vs Indonesia mambengi , Wasit sing mimpin pertandingan Ahmeed Al Kaf saka Oman , awal ketok banget ora adil , seolah berat sebelah alias memihak tuan rumah.
Saka awal Timnas Indonesia entuk perlakuan berat sebelah , sitik sitik pelanggaran , sitik sitik pelanggaran , puncak'e wektu perpanjangan ( 90+6 ) kudune wis bar , tapi lewat 9 menit pertandingan urung bar.
Ndlalah pisan ! Bahrain entuk cornel , Timnas Indonesia sing maune menang ( 2-1) klebon maneh , kedudukan dadi bedho ( imbang loro loro) 2-2 , mestine gol penyerang Bahrain Muhammet Mahoon ora sah merga posisi nelik ( off Side), jare STY ambi nesu nesu.
Pelatih asal Korsel bahkan omong , Ora maido para pemain Indonesia pada protes menyang lipri (wasit) , merga wektu kudune' wis bar, tapi pertandingan diolor olor nganti Bahrain nyetak gol tambahan , imbuh STY.
Dasar wasit ndableg , diprotes rame rame malah ngetokne Kartu Abang menyang Manager Indonesia Sumardji , bahkan protes meh gelut antara timnas Indobesia Shany Patynama karo pemain lan official Bahrain, untung dipisah karo konco koncone.
Miturut Informasi tim official PSSI sing dilansir Media , PSSI bakal ngajokne protes menyang AFC lan FIFA , alesane Wasit Ahmed Al Kaf saka negara Oman ora layak mimpin pertandingan , kudu enek sanksi marang wasit saka oman.
Perlu dimangerteni , pertandingan bal balan mambengi (10/10) antara Bahrain vs Indonesia , yo kui sebagal lanjutan Babak penyisihan putaran 3 Piala Dunia.
Sementara klasemen/Peringkat Indone
sia merga main imbang , bertengger ana peringkat 5 , timnas Indonesia ijik ngadepi China tanggal 15 oktober ana salah sijining Provinsi sing adoh saka ibu kota China Beijing.. ( tim)
