JUDEG DIKIRA NGILANG..JEBUL ILANG TENAN...DIDUGA KEJEGUR LAUT.

JUDEG DIKIRA NGILANG..JEBUL ILANG TENAN...DIDUGA KEJEGUR LAUT.

Pacitan Post    Agustus 09, 2023   

Pacitan Post, 10.08.023.

Nek cah cilik ijik isa dimaklumi, yen dipadoni wong tuwek gayane ngilang, padahal muk  ndelik ning sor gedang.

Tapi kedadean ning Watu Bale Jetak Tulakan , pelaku sing ilang  info sing ditampa media , yo kui remaja wedok umur 27 tahun.

Miturut warga sekitar , Elsia akhir akhir iki rada depresi  sak bubare kuliah ana Sumatra , diduga bermasalah kekancan ana Sumatra,, mboten ngertos masalah ipun kulo,jare warga sing ora gelem disebut jenenge.

Ananging laporan sing mlebu menyang kepolisian Pacitan , wingi (09/08) pas bedug magrib (18.00 Wib) elsi ujug ujug mlayu menyang arah laut.

Tapi enek sing omong, elsia numpak sepeda motor lungo ke arah watu bale..

Enek sing weruh wong tuwane / dulure sempat nututi, tapi bayangan elsi wis  langsung ora ketok , merga kondisi wis mulai peteng.

Tapi uga enek sing omong wong tuane nututi korban , nalika elsia ambi mbresengut nyetater zepeda motor.

Akhire geger , elsia ilang ...Elsia ilang..kabeh kemruyuk golek'i Elsia.

Ananging digolek'i nganti tengah wengi Elsia ora ketemu .

Beberapa pihak ,  menduga Elsia terjun kelaut.

Nganti berita iki ditulis , Kapolsek Tulakan Kompol Umaryono isih koordinasi karo tim BPBD lan perangkat Desa setempat, muga muga gek enek titik terang mas,

 info mlebu saka masyarakat  trontong trontong enek sesuatu kemampul ana laut ,tapi ditunggu info lanjutan mas, jare kaposek sing sedelo maneh pensiun iki (tim)

PANDU ASISTEN I , NDARU DINKES, DODIK KOMINFO , DJOKO DISHUB , ASEP DISPERINDAG, SUGENG PANGAN PERTANIAN .....

PANDU ASISTEN I , NDARU DINKES, DODIK KOMINFO , DJOKO DISHUB , ASEP DISPERINDAG, SUGENG PANGAN PERTANIAN .....

Pacitan Post    Agustus 09, 2023   

P.Post. 09.08.023.

Gerbong Mutasi di tata kari sewengi iki , ananging informasi pejabat sing arep diangkat sayup sayup wis mlebu ana redaksi Pacitan Post.

Pejabat idola Bupati , Pandu Kemal diplot Asisten I Bidang Pemerintahan , Asep Suherman diplot Kepala Dinas Perdagangan , dr Ndaru Mustokoaji di plot Kepala Dinas Kesehatan , Joko Putranto diplot Kepala Dinas Perhubungan , Dodik Sumarsono diplot Dinas Kominfo lan Sugeng Santoso diplot sebagai Kepala Dinas Ketahanan Pangan dan Pertanian 

Miturut Draf sing ditampa media , pejabat sing ditulis ana duwur iku, umpama ora enek perubahan wengi iki , insya Allah SK Pengangkatan sesuk isuk bakal ditanda tangani Bupati , jare wong njero sing ora gelem disebut jenenge.

Perlu dimangerteni , sak durunge pejabat duwur kui maeng di plot sebagai Kepala Dinas ,   sak durunge wis melu seleksi Terbuka Jabatan Tinggi Pratama Kabupaten Pacitan , dijupuk nilai tertinggi kompetitor liyane.

Sementara Pejabat sing umyek sakdurunge arep dipindah , koyo to Turmudi Kepala Dinas Pariwisata , Didik Alih  Wibowo , Suparlan ST lan liyo liyane , nganti berita iki ditulis urung ana kabare.

Sekretaris Daerah  Kabupaten Pacitan Heru Wiwiho, ditakoni kabar gerbong mutasi , muk meneng wae ,  malah tekok balik , data saka endi pak entukmu..? Jare Heru ambi guya guyu.

Terkait isu Wabub Gagarin ora dilibatke bab Pemindahan lan pengangkatan Kepala Dinas ,  nganti dina iki isih sekedar kabar manuk, urung iso dipatekne tenan opo ora..?

Gagarin dewe di hubungi media , urung iso nyambung , hapene..tu..la..lit..( tik)

ATI ATI MELU KONTES KECANTIKAN , AKEH SING KON UDO BLEDRENG , ETHOK ETHOK DIUKUR ....LAN.....

ATI ATI MELU KONTES KECANTIKAN , AKEH SING KON UDO BLEDRENG , ETHOK ETHOK DIUKUR ....LAN.....

Pacitan Post    Agustus 08, 2023   

Pacitan , 08.08.023.

Nek iso bocah wedok Pacitan , ora usah melu melu ajang lomba kecantikan , versi opo wae, umpama toh melu , kudu dikawal wong tuwa utawa  sedulur sing kenek dipercaya.

Ojo gampang kebujuk rayu , Promosi Panitia ,  lomba gadis.....lomba wanita ... , lomba gadis .... , lomba putri.... lomba miss ....lan jenis lomba lomba  indikasi  maksiat liyane.

Pengalaman kasus Pelecehan Seksual   Finalis Miss Universe tahun 2023 , kenek dienggo kaca brenggala bocah wedok sapa wae,utamane bocah wedok Pacitan.

Himbauan iki , disampekne Pengurus LSM Bhineka Bangsa Pacitan Ferry Ardiansyah ,,  bocah  wedok Pacitan ,,  ojo gampang  tertarik ajakan melu ajang / kontes kecantikan , melu mis misan lan liya liyane sing menjurus ke arah penilaian boddy ,tegas Ferry

Seumpama kepeksa melu , kudu di tliti tenan jenis acara kegiatan , ojo gelem yen enek penilain body telanjang , ngukur susu , ngukur lingkaran selangkangan , ngukur pinggul , ngukur  besaran....lan ngukur ngukur body sensitif liyane.

Jare Ferry, kui muk nggo alesan pantia sing duwe nalar bejat.

Perlu dimangerteni , final Ajang Miss Universe  tahun 2023 , iki dina geger genjik , amarga akeh finalis sing rumangsa dilecehne .

Ana jadwal kegiatan Acara, ora enek istilah body cheking , ananging oknum pantia ngenekne acara copot kostum lan diukur bagian bagian sensitif bocah wedok.

Awale peserta dikon jajal kostum tertentu , dikon setengah bugil lan akhire dikon telanjang bulat , diukur  selangkangan , pinggul ,  kemulusan sikil..lan liyo liyane.

Sing parah , kabeh aksi didokumentasikan, difoto lan body Cheking ning njero kamar enek panitia lanang , grayang grayang kemaluan peserta.

Kasus  Pelecehan Peserta Acara Finalis Miss Universe tahun 2023  iki dina wis ditangani Polda Metro jaya.

Saksi saksi sing sebagian melu ajang Miss Universe tahun 2023 wis diperiksa penyidik .

Tahapan sak teruse, kari manggil saksi korban,  panitia lan oknum pelecehan ..( tim)

CABDIN PACITAN KIRIM 7 ATLIT DI KEJUARAAN O2SN JAWA TIMUR.

CABDIN PACITAN KIRIM 7 ATLIT DI KEJUARAAN O2SN JAWA TIMUR.

Pacitan Post    Agustus 07, 2023   

Pacitan Ppos.07.08.023.

Kepala Cabang Dinas Pendidikan Pacitan Indiyah Nurhayati wingi bengi ( 07/08), mbudalke  Rombongan atlit atlit , sing ngikuti Olympiade Olah Raga Siswa Nasional ( O2SN)  Tingkat Propinsi Jawa Timur  ana Kota Batu Malang.

Miturut Kepala Cabang Dinas  Pendidikan Wedok asal Surabaya , Rombongan atlit atlit siswa saka Pacitan jumlahe 12 uwong  ( 7 Atlit 5 pendamping) , jare Kacapdin sing ijik ketok imut.

Rombongan Peserta Olympiade Siswa asal Pacitan siap bertempur di kota Batu Malang.

Pers realis , sing diwenehne menyang awak  media saka Cabang Dinas Pendidikan Pacitan , tercatat enek 7 Cabang Olah Raga sing bakal dipertandingkan , Pencak Silat , Karate , Renang , Bulu Tangkis  lan Atletik, jare Kasek SMA I Pacitan Adi Pratikto.

Adi Pratikno uga  njaluk doa marang warga pacitan , muga muga atlit atlit yunior sing kabeh ijik status siswa/siswi SLA iso bersaing karo daerah liyo.

Sementara cabang olah raga sing dipertandingke siswa siswi peserta O2SN asal Pacitan  sbb:

Perlu dimangerteni , O2SN tingkat Propinsi Jawa Timur ana kota Batu Malang  bakal dipertandingke mulai tanggal 09/08/023 nganti teka tanggal 11 Agustus 2023.

Sakteruse bakal digelar O2SN secara Nasional  sing panggone  nganti seprene urung dimangerteni. ( Tik)

SUBEKI AKHIRE DIPUNDUT, DITABRAK CAH JOSARI.

SUBEKI AKHIRE DIPUNDUT, DITABRAK CAH JOSARI.

Pacitan Post    Agustus 05, 2023   

Pacitan Ppos.05.08.023.

Kamis (04/08) enek tabrakan maut ana pertigaan jl Kanjeng Jimat Penceng pacitan.

Korbane sing jenenge H.Subeki ( mantan Satpol PP ) Pemkab Pacitan ,  sing awale cidera berat , maeng esuk akhire seda dipundut sing Kuasa.

Alm H.Subeki korban tabrakan pertigaan Jl Kanjeng Jimat.

H.Subeki seda ana Rumah Sakit Internasional Jogjakarta , akibat luka parah ditabrak bocah dusun Karang Desa Jetis Kidul  Kecamatan Arjosari Pacitan.

Miturut laporan sing ditampa Kepolisian , Korban numpak sepeda motor Vario saka arah jl Kanjeng Jimat arep nyebrang dalan ngarep Alfa Mart Penceng,  ananging nahas , saka arah kidul enek kendaraan liyo , diduga Korban ujug ujug nyebrang ,tapi kendaraan roda dua saka arah kidul wis kadung cedak ..pres..korban terluka parah, lan dirujuk ning  RSI jogja tapi nyawane Bekti ora ketulung.

Perlu dimangerteni , sesuai Laporan ke kepolisian Polres Pacitan sing dilaporke saka Polsek Kota , Korban Subeki numpak Motor Honda Vario rupa ireng Nopo AE 4943 XB lawan Honda Beat AE 3381ZC sing ditumpak'i Rendy Pratowo bocah saka dusun Karang Desa Jetis Kidul Kecamatan Arjosari Pacitan.

Sementara korban Alm H.Subeki iki dina wis dimakamke ana pemakaman muslim Mertani . 

Rumah kediaman Alm Subeki sing terletak ana Rt.02/03. Desun Betulo Bangunsari Pacitan kawit esuk dipenuhi pelayat,sing sebagian besar saka tangga lan kolega ASN Pemkab Pacitan..

Kabar manuk, Renndy numpak sepeda motor saka arah kidul , jare saksi sing ora gelem disebut jenenge , Randy ale numpak montor rada kesusu , rendy ngaku bar ngeterke ibune kerja ana Pabrik Rokok Sampurna  Kelurahan  Sidoharjo..( tik)

SEKOLAH SING BAKAL TAMAT ORA ENTUK MURID DIHIMBAU ORA NJALUK RENOVASI SEKOLAH.

SEKOLAH SING BAKAL TAMAT ORA ENTUK MURID DIHIMBAU ORA NJALUK RENOVASI SEKOLAH.

Pacitan Post    Agustus 04, 2023   

Pacitan Ppos.05.08.023.

Ora iso dihindari , merga  saiki arang kading wong meteng , dampak' e ternyata  gede banget , yo kui  sekolah dadi sepi , merga kekurangan murid.

Diperkirakne limang tahun maneh , iso iso SD/SMP / SMA/SMK sing kekurangan murid,  bakal gulung tikar boko siji .

Kanggo antisipasi keadaan, Dinas Pendidikan  Pacitan / Propinsi , dihimbau mendata ulang Sekolah Sekolah sing diperkirakne bakal tamat / gulung tikar.

Miturut Gustika , Owner Pacitan Couroption Watch ( PCW) , data diperlokne merga ojo nganti enek Sekolah  , sing diperkirakne bakal tamat ,,ananging ,,  ijik ngajokne  pembangunan / renovasi sarana prasarane sekolah, ati ati iku lahan korupsi utawa pemborosan  anggaran , tegas gustika.

Ketua PCW   uga  tetep  bakal ngawal lan ngawasi  , kabeh kepala sekolah sing gedunge direnovasi , opo maneh gedung sekolah sing murid'e kari rong ler.

Bahkan Anggota DPRD Pacitan Handaya Aji , secara khusus lapor menyang media ,  nyoroti gedung gedung sekolah sing ijik apik tapi dibubrah total , kaya ta SD Kluwih , SMP 4 Pacitan , kui gedung ijik layak kabeh , lha ngopo dibubrah total , jare Handoyo menggebu nggebu.

Sementara Ketua Komisi 2 DPRD Pacitan Rudi Handoko , rumangsa bingung yen ditakoni bab sekolah kekurangan murid , ananging Rudi Setuju ,sekolah sekolah sing diperkirakne bakal gulung tikar,ora usah ngajokne renovasi gedung , mubazir lan pemborosan , jare Rudi ambi guya guyu.

Perlu dimangerteni , Dunia Pendidikan kabeh daerah ( alias ora mung Pacitan) iki dina akeh sing kekurangan murid , rata rata , kejaba wis arang wong meteng, wong tua murid ,  milih nyekolahne anak menyang PAUD.TK.SD.SMP Swasta sing dikelola luwih profesional .

utamane sekolah  sekolah Swasta sing ngajarke ilmu agama , diwarahi ngaji, diwarahi berdoa , diwarahi shalat, diwarahi sopan santun lan adab liyane , nyuwun sewu kepekso kulo nyekolahne anak kulo teng SD Swasta , mergi kulo lan bojo mboten saget ngajari ngaji lan shalat, nah lho jare  Retno ASN Pemkab  Pacitan...( Tik)

NEK TEGAS GEDUNG 2 ANA PACITAN KABEH DIURUG TANAH HARAM...DIBONGKAR...

NEK TEGAS GEDUNG 2 ANA PACITAN KABEH DIURUG TANAH HARAM...DIBONGKAR...

Pacitan Post    Agustus 02, 2023   

Pacitan.04.08.023.

Pirang dina kepungkur,enek berita ( SP) petambang galian C  disrahne kejaksaan negeri Pacitan saka Polres Pacitan.

Tersangka (SP) dituduh  dodol lemah urug,  sing mlebu golongan galian C  ana lingkungan Jaten Kelurahan Sidoharjo  Pacitan menyang pihak 2 , pada karo penembang liar liyane , per mobil engkel lemah urug diregani sekitar 100.000,-

Miturut mantan Pengusaha Tambang batu serat  Pacitan, Gustika omong yen  kudune pengusaha tambang Pacitan dibina disik , ojo langsung diancam penjara  ngunu kui ,yo yen arep jujur umpomo penegak hukum gelem keras tenan , mungkin proyek proyek sing dibangun ana Pacitan,  kabeh perlu dibongkar , sebab diduga , tanah urug'e  dijupukne saka tambang tambang ilegal ana sekitar Pacitan sing jumlahe atusan,tegasnya.

Desa (lingkungan) $ing diduga  terkenal dodol lemah urug tercatat , dusun Blimbing Kelurahan  Pucang Sewu , lingkungan Jaten Kelurahan Sidoharjo , lingkungan krajan  desa Mentoro lan daerah daerah liyane sing semebar ana 12 Kecamatan se Kabupaten Pacitan.

Rata rata nek penegak hukum ora tebang pilih , kabeh penambang ana Pacitan bakal dikenekne pasal 158 UU RI No 3 tahun 2020 , perubahan atas undang undang RI No 4 tahun 2009 tentang UU Mineral lan Batu Bara. .( Tik)