HOAX ..! URUNG BAYAR KOMITE ORA ENTUK MELU UJIAN..

HOAX ..! URUNG BAYAR KOMITE ORA ENTUK MELU UJIAN..

Pacitan Post    Januari 06, 2025   

Pacitan Post. 06.01.024.

Kabeh sekolah sak Pacitan wis sepakat , yen enek Siswa sing urung isa bayar sumbangan komite ora entuk dipeksa lan ora entuk diintimidasi. 

Bahkan seumpama enek siswa ora isa bayar sekalipun , pihak sekolah kudu bijak. 

Ananging kadang Wali Murid sing urung isa bayar sumbangan komite sok gregetke' ati , gawe fitnah maneka warna . 

Koyo sing dialami SMKN 2 Pacitan , ora enek udan ora enek panas , ujug ujug enek wong tuwane siswa ngadu pihak eksternal ,, crito ,, yen  urung isa bayar komite ora entuk melu ujian.. 

Tentu wae Pihak Sekolah SMKN 2  Pacitan koyo kesamber bledek , merga ora rumangsa ngetokne kebijakan koyo mengkono ,  kui hoax mas menyesatkan jare Subagyo Kasek SMKN 2 Pacitan.. 

Subagyo menjamin , ora enek wartawan tekok utawa pihak orang tua murid sing teka ana sekolah mempersoalkan komite , klebu sing ora isa/urung  bayar. 

Pihak Sekolah SMKN 2 Pacitan menjamin , yen enek siswa sing urung isa bayar sumbangan komite DIJAMIN ISA MELU UJIAN , imbuh Subagyo. 

Sementara Bambang Haryono Ketua Komite SMKN  2 nanggepi ulah wali murid sing tukang nyebar berita hoax , muk guya guyu pun kersane pak mangke rak isin dewe. 

Perlu dimangerteni , sak bare' ontran ontran SMPN I Pacitan  narik sumbangan komite luwih saka 2 juta , persasat meh kabeh Sekolah sak Pacitan meng evaluasi besaran sumbangan komite, rata rata terjangkau orang tua siswa utawa kisaran 1,3 jt... ( gustik) 

PADA NGLURUK KAPOLRES JEBUL....!

PADA NGLURUK KAPOLRES JEBUL....!

Pacitan Post    Januari 03, 2025   

Pacitan 03.01.024.

Jenenge wong gede' , arep apa wae tetep patut, misale'  koyo sing dilakoni  sejumlah Forkompimda Pacitan maeng awan (03/01) . 

Dipimpin Komandan Kodim 0801 Pacitan Letkol Arh Imam  Musahirul S. I. K. M. T.  (ujug ujug) gembrudug menyang Mapolres Pacitan sing tujuane'  arep menehi kejutan menyang kolegane' AKBP Agung Nugroho. 

Jenenge' wae' kejutan, tentu wae Kapolres Pacitan Agung Nugroho kaget ! , opo meneh Tim Forkompimda sing teka enek Sekwilda  Pacitan Ir. Heru Wiwoho  dkk sing gawa kue ulang tahun. 

Tanpa sadar Kapolres  Agung  lali yen dina iki (03/01) ulang tahun kaping 43 tahun , selamat ulang tahun pak Kapolres semoga tetap sehat lan panjang umur , ungkap Forkompimda serentak karo nyanyi Happy Birthday.

Usut punya usut , informasine'  Dandim Imam Musahirul lan Wakapolres Pacitan Kombes Pujiono klebu dalang dibalik kejutan ulang tahun ke 43 Kapolres Pacitan AKBP Agung Nugroho. 

Sementara Kapolres Pacitan Agung Nugroho sing didampingi Istri tercinta , ngucapke matur nuwun banget  marang  konco konco Forkompimda sing ujug ujug gembrudug  teka  ana Polres Pacitan menehi kejutan ulang tahun... ( tik) 

. 

Pabrik Rokok Sukses Bakal Ngetokne Produk Anyar Madju Pro

Pabrik Rokok Sukses Bakal Ngetokne Produk Anyar Madju Pro

Pacitan Post    Januari 01, 2025   

 

Pacitan post. 01.12.025. Perintis  Rokok Kretek Pacitan Widarto,  bakal ngetokne rokok anyar sing gawe' Brand, MAJU Pro. 

Miturut Widarto sing luwih populer diceluk Wiwit Sukses omong , sejatine Produk anyar wis beredar sekitar rong minggu ana Bondowoso lan Probolinggo . 

Sedang daerah  Pacitan sing nota bene Pabrik Pusat , direncanakne dilouncing pertengahan sasi Januari 2025.

Kanggo memastikan ' Rokok kretek  anyar Merk Maju Pro bakal sukses lan digandrungi kawula muda  , Wiwit ora segan segan ngundang konco koncone sing hobi rokok  kon ngrasakne'  ( Test Rasa ). 

Ngiras pantes ngrayakne Pergantian tahun baru 2025 ,     sejumlah penikmat rokok kretek ( gembrudug ) menyang Villa Mewah ana daerah Pantai Srahu Pacitan.

Hasile  Tes Rasa penikmat Rokok Kretek sing dikoordinir Putro Mbarep Enggal Group Sugiharyanto cukup puas Rasa Rokok MAJU  Pro produksi Sukses Group. 

Cuma enek siji loro sing nyaranke , Rokok Anyar MAJU Pro, diracik maneka warna rasa , misale enek rasa Jambu lan sak piturute. 

Perlu dimangerteni , Keluarga Besar Widarto pancen  mulai saka awal berkutat bisnis mBako ( tembakau). 

Diwiwiti dodol mbako ana Pasar Arjowinangun Pacitan , wong tuane Widarto nekat ngedegne' Pabrik cilik cilik'an Rokok Kretek ana daerah Tulung Agung. 

Saiki hasile  keluarga Besar Widarto dadi pengusaha Rokok Kretek Paling gede ana Tulung Agung, Ponorogo lan Pacitan.

Paling Gress ! Rokok Merk (MAJU Pro) sing disedot enteng , aroma tembakau  arum lan racikan sing alus , diperkirakne bakal bersaing karo rokok rokok murah liyane.... ( gustik)

MALAM TAHUN BARU SRAU FULL TENDA WISATAWAN LUAR KOTA

MALAM TAHUN BARU SRAU FULL TENDA WISATAWAN LUAR KOTA

Pacitan Post    Desember 31, 2024   

Pacitan Post 01.12.025.

Udan nggejibrah malam tahun baru 2025 ana Pacitan , ternyata ora nyurutke minat wisatawan luar kota ( Tahun Baruan) ana obyek wisata kota Pacitan. 

Wartawan Pacitan Post  lan Rombongan Enggal Babar Bird Farm H Sugiharyanto , sing bengi kui duwe krenteg  menyang Pantai Srau , digawe kaget setahun medun. 

Persasat kabeh area Pantai Srau Pacitan  kebak wisatawan Kemah , ratusan tenda  camping pating clenuk ana sekitar Pantai Srau. 

Jebul akeh tenan yo !  malam Tahun Baruan  ana sekitar Pantai Srahu , jare Sugek gumun. 

Ratusan tenda camping wisatawan luar kota pating clenuk ana sekitar Pantai Srau Pringkuku Pacitan. 

Melihat perkembangan obyek Wisata  Pantai Srahu Pacitan sangat menjanjikan , ternyata memantik pengusaha jasa penginapan ngedegne' Villa utawa Hotel cilik cilik'an. 

Wiwit Sukses ,Pemilik Villa Mewah Pantai Srahu optimis Usaha Jasa Penginapan ana obyek Wisata Pantai Srahu duwe masa depan cerah. 

Mungkin yen dietung saiki ! urung isa didelok hasile , terang Wiwit Owner Rokok Sukses lan Rokok Maju. 

Pengusaha Rokok Sukses Wiwit  bersama rekan rekanya menikmat malam pergantian tahun 2024-2025 di Villa Mewahnya di Pantai Srahu. 

Sementara Turmudi , Kepala Dinas Pariwisata, Kebudayaan dan Olah Raga Pacitan, nganti berita iki ditulis , urung isa dihubungi , Hp ne dihubungi ijik  T u l a l i t.... Tu l a l i t.. ( tik) 

Ujug ujug mak kluwer ! Yu Sri ora isa endo..Sopir bakal dibuen..?

Ujug ujug mak kluwer ! Yu Sri ora isa endo..Sopir bakal dibuen..?

Pacitan Post    Desember 27, 2024   

Pacitan Post 27.12.024.

Numpak kendaraan kui pancen kudu ati ati , utamane yen arep menggok , isa isa yen ora ati ati bakal nyilakakne pengendara liya. 

Conto konkrit ! kedadean laka lantas ana JLS  maeng awan (27/12). 

Miturut saksi mata  , saka arah kulon   regunuk regunuk enek Dum Truk liwat , sayang pas ana pertigaan JLS arah Ploso, Sopir Dum Truk No Pol H.8551 NM  ujug ujug mak kluwer menggok  nganan   tanpa ndelok spion. 

Ndlalah  saka arah kulon , enek emak emak sing jenenge Sri Pujiatun (37) numpak sepeda motor jenis Honda Supra  Nopol AE  4789  YS  arep nyalip Dum Truk  sing disopiri Nowa Ficktoria (27) . 

Alhasil  merga  Dum Truk belok ndadak , motor Sri Pujiatun langsung nabrak body samping Dum Truk nganti mlebu kolong Truk. 

Masyarakat sekitar  ! ngerti enek kedadean tabrakan   , langsung nulungi korban lan digawa nenyang Rumah Sakit Darsono Pacitan , sayang ora let sui  yu Sri Pujiatun sing alamate Desa Gawang Kecamatan Kebonagung nyawane ora ketulung. 

Korban luka berat , sirahe Sri ngetokne getih akeh akibat benturan body truk. 

Sementara Sopir naas Asal  Punung Pacitan iku langsung diglandang menyang Polres Pacitan saperlu dijaluk'i keterangan. 

Ning ngarepe petugas Kepolisian Pacitan  , si Sopir  ngakoni pas belok ora ndelok spion. 

Kasat Lantas Polres Pacitan AKP Dwi Purwanto menyang media omong, polisi bakal mengambil langkah langkah hukum , terkait laka lantas sing nyebabke'  korban Sri Pujiatun meninggal dunia , ora tertutup kemungkinan  si  Sopir Dum Truk , bakal dadi tersangka laka lantas JLS, tapi kabeh tergantung olah TKP  tegas Dwi.. (Tik) 

DIDEMO NGANTI GLOGAP GLAGEP..PTSL PLUMBUNGAN SAKA 250.000 DADI 160.000

DIDEMO NGANTI GLOGAP GLAGEP..PTSL PLUMBUNGAN SAKA 250.000 DADI 160.000

Pacitan Post    Desember 24, 2024   

Pacitan Post 24.12.024.

Dadi perangkat Desa yen ora duwe sifat iklas pengabdian , biasane solahe ora apik , yen ora aji mumpung- yo kemlinti. 

Ujung ujunge' warga mungseng , merga kebijak'ane  dianggep sering merugikan warga .

Contone' Koyo  Desa Plumbungan Kecamatan Kebonagung  Kabupaten Pacitan , masiha perangkate mungkin ora klebu perangkat elek kaya sing digambarke narasi ana duwur maeng  , ananging buktine soal PTSL  dadi masalah, lan dina iki ( 24/12) puluhan warga terpaksa gruduk perangkat Desa Plumbungan . 

Warga ora trima penarikan biaya PTSL diatas rata rata , bahkan kebijakan narik warga seolah kaya  sak karepe dewe , misale' tarip promosi warga dikenekne Rp. 200.000 , promosi entek warga dikenekne' rega Rp. 250.000.

Suluh Aprianto ngetokne unek unek bab biaya PTSL Desa Plumbungan. 

Rumangsa ora beres , Suluh Aprianto dkk gembruduk menyang  Balai Desa Plumbungan dikawal satuan Polsek Kebonagung lan Danramil Kebobagung saperlu protes terkait PTSL sing wis kadung dipungut. 

Suluh Aprianto sing terkenal diceluk Apri , patok blankrong njaluk pungutan PTSL mudun, Apri uga njaluk sing wis kadung bayar dibalekne  sesuai tarip sing terjangkau masyarakat plumbungan. 

Situasi rembugan saya awan saya panas , Ahmat Thohir selaku Kepala Desa Plumbungan akhire  legawa lan berbesar hati , nuruti penjaluk'e  Warga  masyarakat sing dipimpin Apri dkk. 

Sesuai kesepakatan  bersama pungutan PTSL Desa Plumbungan Kecanatan Kebonagung didunke dadi 160.000 , sementara sing wis kadung bayar Rp 200.000 lan Rp. 250.000 Pihak Desa bakal balekne'. 

Ternyata pertemuan warga Plumbungan dina iki, ora muk masalah kebijakan Tarikan PTSL , mrembet menyang program liya sing dianggep ora transparan , yo kui soal Bumdes. 

Sebagian warga rumangsa pengelolaan Bumdes ora jelas . 

Warga menuntut Pengelolaan BUMDES Desa Plumbungan kedepan kudu terbuka , yen untung pira yen rugi pira . 

Warga desa Plumbungan gembrudug menyang Kantor Desa njaluk  Tarip PTSL mudun. 

Sementara Ketua Bumdes Desa Plumbungan Adi Priyatna informasi sing ditampa Media , ngaku wis terbuka soal management Bumdes , tapi masukan lan kritikan masyarakat , jare Adi kanggo bahan evaluasi lan koreksi. 

Sedang tokoh masyarakat Desa Plumbungan Sumawat sing uga klebu tokoh sing protes , mengapresiasi Kepala Desa Plumbungan Ahmat Thohir sing legawa nurunke tarip PTSL sesuai regulasi , pertemuan iki ora enek menang/ kalah  tapi bagian  solusi  kita bersama dan pertemuan semacam  ini hal biasa , jare tokoh sing uga mantan kades Desa Plumbungan. 

Kapolsek Kebonagung Iptu Haming Agus Purnama uga ngapresiasi pertemuan warga karo perangkat desa Plumbungan berjalan kondusif , iki isa diarani ora demo lho mas, iki muk pertemuan biasa , sing penting hasile sesuai kesepakatan bersama , Polisi muk melu jembatani , tegas Haming santai.. ( tik) 

PUTUKU TEKOK..! KAPAN KUNG HARI AYAH..?

PUTUKU TEKOK..! KAPAN KUNG HARI AYAH..?

Pacitan Post    Desember 21, 2024   

Pacitan Post. 22.12.2024.

Jenenge' cah cilik urung nalar , eforia Hari Ibu sing diperingati  saben tanggal 22 Desember, kadang  ndadekne' pitakonan lucu , tapi sejatine'  masuk akal , Kung ..!  Tanggal pira Hari Ayah..?. 

Pitakonan putuku muk  sepele..! Ananging sapa wae sing krungu , mbuh kui lanang utawa wedok ,, dijamin ,, ora isa jawab , klebu wolung Presiden  Indonesia sekalipun. 

Lire ora isa jawab , merga putuku tekok Tanggal Piro Hari Ayah..? 

Mungkin yen pitakone  putuku enek opo ora Hari Ayah..?  

Pasti ! tak jawab Ora enek...! 

Sing Hebat..! Masiha hari Ayah ora enek lan mungkin ora pernah enek , Bapak Bapak ora pernah protes , merga peran seorang ibu pancen luwih abot ketimbang bapak bapak. 

Saka segi fisik , wong wedok bersifat lemah dibanding wong lanang , jangkahe' alon , unine' lirih lan panganane' sitik. 

Tapi masiha wong wedok kui lemah , wong wedok ditakdirke meteng sing secara fisik butuh ekstra stamina, minimal nganti nglairke si Jabang Bayi sing dikandut selama 9 sasi. 

Mulai bocah lahir precel .! Sang ibu isih nyusoni , isih ngrawat , isih ngajari bab maneka warna terutama  Adab .

Lan  kui urung rekasane yen kesundulan , bayi ijik cilik nanging wis meteng meneh.. 

Mungkin ndelok rekasane wong wedok koyo sing ditulis Redaksi ana duwur kui , RA Soekanto gawe odo odo ngumpulke pergerakan   sekitar wong 1000 sing anggotane wedok kabeh, saka perkumpulan sak Indonesia. 

Ibu Ibu PKK Dusun Kedawung Mentoro merayakan Hari Ibu di Pancer Door Pacitan. 

Tahun 1928 antara tanggal 22 - 25 Desember  ana Tlatah Ngayogjakarta  , Perserikatan Perempuan Indonesia ( PPI) ngenekne Konggres Perempuan Indonesia Pertama sing diketuai RA Soekanto sing digelar ana Gedung Joyodipuran Ngayogjakarta. 

Cikal bakal tanggal konggres  PPI tanggal 22 Desember tahun 1928 didadekne momentum Hari Ibu sing diperkuat karo Kepres nomor 316 tahun 1959 tentang Hari Libur Nasional sing ditandatangani Presiden Pertama Ir. Soekarno. 

Ananging perlu dimangerteni , Dasar Presiden Soekarno ngetokne Kepres terkait Hari Ibu tahun 1959 , ora muk didasari saka rekasane wong wedok ngrukun bojo lan anak ,  tapi uga didasari andile wong wedok ana Persiapan Perjuangan Kemerdekaan Republik Indinesia. 

Kok Hari Ayah Ora enek..? 

Yen diukur saka sebagian alesan Presiden Soekarno netepne Hari Ibu merga andil Perjuangan , tak kira Wong Lanang linuwih ukur abote bab perjuangan bangsa lan Negara. 

Mungkin alesan sing PAS .! merga wong wedok rekasane ora isa dipadakne sapa sapa , wong lanang ora ngrasakne abote meteng ( ngandut) , wong lanang ora isa ngrasakne nglairke' , wong lanang ora isa ngrasakne abote nyusoni lan wong lanang ora isa ngrasakne abote didik bayi cenger nganti gede'. 

Gletek petele' , merga abote wong wedok ora isa tergantikan sapa wae , wis Tepat yen nganti dina iki  ,, HARI IBU ,, ora enek pesainge , alias Hari Ayah ora enek LAN ora perlu dienekne'. 

Ditulis Pemimpin Redaksi Sutikno, sebagai wawasan sekaligus Penghormatan kepada para  Wanita Indonesia  yang hari ini memperingati Hari Ibu  tahun 2024.